TXIRBILENEA SESTAOKO OKUPA BERRIAK AUZOLANERA DEITU DU

info+:
http://okupaziobulegoa.blogspot.com.es
http://www.flickr.com/photos/89119737@N06/


Txirbileneako asanbladaren prentsa-oharra

Gaurkoan Sestaoko bizilagun talde batek bultzatutako proiektu hau aurkeztu nahi dizuegu. Herriko giza kolektiboek denbora handia daramagu instituzioen partetik soluzioak itxaroten, eta egungo langabezia, pobrezia, doako aisialdi eta kultur eskaintza faltak, eta oro har, ekonomia eta produkzioa bizitza nahiz pertsonen giza garapenaren gainetik jarri dituen sistema bidegabearen aurrean proiektu honek badu legitimitate aski. Horren adibide da talde hau osatzen dugun pertsonen aniztasuna, zenbait belaunaldi helburu batek elkartuak: herriaren onurarako askatutako/okupatutako espazio hau autogestionatzea.

Horregatik Bizkaiko Labe Garaien bulegoak izan ziren hauek okupatzea, atontzea eta bizia ematea erabaki genuen.

Eraikin hau aukeratu genuen, lehenik eta behin, Sestaoko eraikuntza adierazgarria delako, herri honen eta bere herritarren iraganaren testigu delako, eta beraz, etorkizunean ere izan dadin lan egingo dugu.

Eta bigarrenik, kokapen eta espazio aldetik ematen dituen aukera guztiengatik.

Iniziatiba espontaneo honek freskotasuna, ilusioa eta eraikina okupatzera bultzatu gaituzten proiektuak garatzeko gogoa ekartzen dizkigu.

Proiektuak, izan ere, asko dira; Jangela herrikoi batetik Txikigune batera, musika taldeek entsallatzeko lokalak, edo artea formakuntza eta trebakuntza bultzatzeko gelak. Gure herriko beste giza-kolektibo edo gizarte mugimenduek lantzen dituzten proiektuak ahaztu barik, herriaren beharrak asetzeaz gain. Guzti horiek laguntzeko borondatea badugu.

Sestaon jaio gara eta kulturaren ikusle hutsak izateko hezi gaituzte. Horretaz gain, udal gobernu ezberdinek  gutxi egin dute herritarrei kalitatezko kultura eskaintzeko, herritarrak ez gara sentitu adierazpen kultural eta artistikoen parte ez protagonista sentitu.

Eraikin hau herritarren zerbitzura jarri dugu, bizilagunei dohainik eta era autogestionatuan elkartzeko, aisialdia ez lukratiboari eta garapen pertsonal kritikoari tokia egingo dion leku bat eskaintzeko. Guzti hau instituzio publikoek kultura lehentasunen ordenean are eta gehiago zokoratzen duten garaian.

Eta horrekin batera eraikuntza historiko honen mantentzea ziurtatzeko, ikusten duzuen bezala, utzikeriaren ondorioak sufritzen baititu.

Honen aurrean, instituzioak premiatzen ditugu denbora eman diezaguten gure lan-eredua aurkeztu ahal izateko. Ziur gaude proiektu hau bideragarria dela eta gure herriari soilik gauza positiboak eskaini ahal dizkiola.

Amaitzeko, agerraldi hau aprobetxatu nahi dugu hilaren 25ean, ostegunean, goizeko 10ak eta erdietatik aurrera auzolan eguna egingo dugula jakinarazteko, gure ametsak aurrera eramatea ahalbidetuko digun espazio hau atontzen jarraitzeko.

OKUPAZIO BULEGOAREN JAIA

Datorren urriaren 20an Okupazio Bulegoko lagunek jaialdia prestatu egin dute 7Katu gaztetxean. Bertan bulegoko kideek proposamen bat egingo digute hurbiltzen garenoi eta Orkrestak kontzertu bat eskainik digute.

Beraz, noizbait bulegoa erabili baduzu, lagundu nahi baduzu edota Durangora joateko gogorik ez baduzu(Durangora joan aurretik ere etorri zaitezke), aukera paregabea daukazu!!!

Gora Mundu osoko Okupak!!!

Multas para 18 jóvenes por una acción pacífica en contra del desalojo del Gaztetxe de Barañain

Los protestantes reclamaban un gaztetxe en la localidad al haberse cerrado el centro juvenil que existía. El Ministerio Público entendió en sus conclusiones que los imputados "no tenían derecho a ocupar la calle y cometieron una desobediencia grave por su persistencia y el perjuicio que causaron", sin embargo, ahora la juez del Juzgado de lo Penal número 5 ha rebajado esa calificación a la de falta puesto que, según la sentencia que ha dictado, "en ningún caso hubo una resistencia activa" e incluso los propios policías actuantes "explicaron en la vista como la protesta era totalmente pacífica y que efectivamente cuando se les solicitaba la documentación todos la entregaron sin dilación y sin problemas".

De esta forma, la juez ha condenado a los 18 imputados, 14 hombres y 4 mujeres, a una multa de 80 euros por haber cometido una falta de desobediencia. A otros dos de los encausados inicialmente la fiscal les retiró la acusación a la conclusión de la vista oral. Según los hechos probados, los acusados, todos ellos mayores de edad y sin antecedentes penales, "junto con otras veinte personas no identificadas, sobre las 19.10 horas del 23 de septiembre de 2010 se sentaron en mitad de la Avenida Central de Barañáin, algunos encadenados a un bidón, otros atados por unas bridas a los pies, y otros sentados coreando consignas sobre la petición de un local para sus actividades en Barañain".

Debido a que impedían el tráfico rodado, agentes de la Guardia Civil requirieron a los acusados "para que se dispersaran y dejaran libre la calle, haciendo estos caso omiso a las órdenes que se les daba". A la vista de que la circulación seguía cortada, los agentes, dos horas después de iniciarse la concentración, procedieron a desalojarles, dice el fallo.

Okupazioaren inguruko berriak!

Eskiroles tapiando Uztaldi gaztetxea bajo la supervisión de un zipa.

Uztaldi gaztetxea hustuarazia.

Gaur Irailak 28 Santutxuko Uztaldi gaztetxea hustu eta itxi dute zipaioek, epailearen aginduz. Goizeko 7.00ak aldera sartu dira gztetxean barruan inor ez zegoelarik. ordu erdi georago gerturatu dira gazteak eta ez diete beraien gauzak ateratzen utzi.

Gazteak maiatza aldera sartu ziren lokalean, banketxe bat jabea izanik, eta Bilboko 6. instrukzioko auzitegiko epaileak agindu du desalojoa. Esan beharra dago, epaile bera dela, Patakon gaztetxea eta Kukutza III gaztetxea hutsarazi duena, eta baita Kukutzako istiluetako auzien arduraduna. 

Arratsaldeko  20.00etan deitu dute manfestazioa Santutxuko Karmelo plazatik.

 

Kukutzako epaiketak hasi dira

Irailaren 27an hasi ziren Kukutza defendatzeagatik auziperatuen kontrako epaiketak. Bertan 11 pertsona epaitu dituzte kaleko protestetan eta eserialdietan parte hartzeagatik. horietako 4 absolbitu egin dituzte eta besteei hilabete bateko kartzela eskatzen die fiskaltzak(edo 6€/egun-eko isuna). Bestalde, gazte batek ertzain bati 3000€rekin indemnizatzea eskatzen du fiskaltzak, honi lurretik esku bat apurtzea leporatuta.

Epailea oraindik ez du sententzia idatzi, baina hala ere helegitea jarriko dutela diote abokatuek, leporaketak ez mamirik ez funtsik ez daukatelako.

Oraindik beste bi epaiketa pottolo gelditzen dira, baina datarik ez dute jarri hauek burutzeko.

BERMUDEN TRIANGELUA!!!

HEMEN EZ DIRA ITSASONTZIAK DESAGERTZEN, DESAGERTARAZI EGITEN DITUZTE!!!

Irailak 21 ostiralean urte bete izango da Kukutza hustu eta eraitsi zutela. Horregatik kontzentrazioa burutuko da ostiralak 21an arratsaldeko 18:30tan Bilboko udaletxe aurrean. Beranduago, 20:30tan Errekaldeko kaleetan zehar poteoa izango da Fabe de Fuka taldearekin.

Gertaeren ondorio gisa 80 pertsona baino gehiago dira salatu ala inputatu dituztenak, ehundaka zauritutakoak eta horrez gain Errekaldeko auzoko dendek jasandako kalte materialak ere izan behar dira gogoan. Guzti honen erantzule gisa PSOE eta Rodolfo Aresen erabaki okerrak ditugu, baita PP zein PNV ere, azken honetan Iñaki Azkuna buru izanik. Erantzule dira baita ere Kukutza III deituriko ametsa zapuztu dutelako. Okupazioaren bitartez 13 urtetan zehar lortutako ametsa ezerezean utzi nahi izan dute nahiz eta abandonatutako espazioaren autogestioaren adibide garbia izan. Bertan erakutsi dugu autoenpleguak asanblearismoak zein talde borrokak funtzionatu egiten dutela eta aukera zuzen bat izan daitezkeela hilzorian eta etengabeko ekonomi zein balore krisitan murgilduta dagoen sistema honentzako.

80 pertsona baino gehiago gara epaiketaren zain gaudenak. Iada epaiketa data dutenentzat irailaren 27an izango da, beti ere, gezurretan oinarritutako polizia txostenak aurkeztuko direlarik. Honela justifikatu nahi dute poliziek erabilitako gehiegizko indarra Kukutza IIIren hustutze eta eraisketa lanek iraun zuten 3 egunetan zehar.

Gezur polizialetan oinarrituta epaitu egiten gaituzte. Hamburgoko bi lagunen kasuan, Rafi eta Flo, ez zuten lortu. Hustutzea burutu zen asteazkenean atxilotu zituzten eta kalte materialak eragiteagaitik zein desordena publikoagaitik salatu zituzten. Ertzainen esanetan, eurek jarraitu eta atxilotu zituzten 2 lagunak kontenedore bat erre ondoren. Baina epaiketan zehar aurkeztutako froga grafiko zein testimonialek ez zuten esandakoa baieztatu. Are gehiago, suhiltzaileek aurkeztutako txosten batek ertzainek aitortutakoa gezurtatu egin zuen eta ondorioz Rafi eta Flok absoluzioa jaso zuten.

Muntai poliziala baino ez da, gezurretan oinarritutako muntai poliziala eta gainera honek aurrera darrai!!!

Nahikoa da basakeria poliziala eta gezurrekin aritzea!!!

Elkartasuna Kukutza babestu zuten persona guztiekin!!!

Jarrai dezagun hustutako espazioak betetzen eta elkarrekin borrokatzen autogestioaren alde!!!


GORA OKUPAZIOA ETA AUTOGESTIOA!!!

USURBILGO GAZTETXE BERRIA! ZORIONAK!

Usurbilgo ITAYA Gazte Asanbladaren oharra:

Duela hilabete batzuk Itaya gazte asanbladakook hausnarketa sakon bat egin ondoren Usurbilen hutsune handi bat zegoela ondorioztatu genuen, gune autogestionatu edo gaztetxe baten beharra. Asanbladako kideek “hamaika ideien eta borroken kutxa” moduan definitu dute gaztetxea.  Herritar guztiak gonbidatu dituzte, hemendik aurrera

Zergatik?

 

Herritar xumeek, instituzioetako gainbegiraturik gabe, autokudeatuko duten gune baten beharra dago; gure herrian ugariak diren eragileek zein norbanakoak askatasun osoz beraien ekimenak aurrera eraman ahal izateko esparru bat alegia.

Norberak dituen trebeziak eta ahalmenak besteenekin batu eta modu kolektiboan gure bizitza sozialean, politikoan zein kulturalean faltan botatzen ditugun ekarpenak eta harremanak garatzeko aukera ematen duela sinesten baitugu.

Alternatibak eraiki ahal izateko espazio bat behar du honetan jardungo duen jendarteak. Aisialdia aldatuko duen gunea, herritarren harremanak sendotuko dituen biltokia, ingurumena zainduko duen lekua, ahula babestu eta indartuko duen eremua, herria bizi eta koloretsu mantenduko duen esparrua, euskaratik euskararentzat arituko den etxea… HAMAIKA IDEIEN ETA BORROKEN KUTXA!!!

Usurbilen zer?

Usurbilen gizarte lotu, lokartu, domestikatu eta uniforme honi, bere etsairik haundienak diren irudimenarekin, kemenarekin, ekintza zuzenarekin, elkartasunarekin, pentsamendu librearekin eta pertsona libreen burujabetzarekin aurre egiteko espazio zabal eta aske bat behar da.

Gaztetxea errespetuz aritu nahi duen ororen proiektua eta gune irekia izan behar da. Denon ahotsa eta iritziak izango dira beharrezkoak. Horregatik, eredu parte hartzaile baten aldeko apustu garbia egiten dugu. Behin eta berriro deia luzatzen dizuegu parte hartzera, etorkizunean sortuko diren erronkak aurrera eramateko: eztabaidak, kultur ekimenak, ikastaroak, tailerrak, hitzaldiak… eta bururatzen zaiguna, bururatzen zaizuena!!

Orain arte egindakoa

Hutsune honen inguruko herritarren iritzia jakiteko, prozesu partehartzaile bat abian jarri genuen, non herriko eragile zein norbanakoek beraien ikuspuntua adierazi ziguten elkarrizketen bidez. Honen bidez, hauxe ondorioztatu dugu:

• Gehiengo handi bat ITAYAren planteamenduarekin eta herriak gaztetxe baten beharra duelarekin ados daude.
• Usurbilgo gazteriak bizi duen inkomunikazio, pasibotasun eta lokalismoari aurre egiteko tresna gisa har dezakegun gune aske eta ireki baten falta sumatzen da herrian. Gaztetxe batek, pertsona hauen partaidetza, inplikazioa eta iniziatiba bultzatuko lituzke.
• Herriko eragile independenteen arteko elkarlana eta komunikazioa saretuko dituen baliabide alternatibo bat bezala ikusten da gaztetxea. Heldu zein gazteak batu, eragileen ekimenak aberasgarriagoak bihurtu eta parte hartzea bultzatuko duen gune bat bezala hain zuzen ere.
• Gaztetxeak Usurbilgo beharretara egokitua egon behar du, ez du beste herrietako ereduen “ kopia” izan behar.
• Autokudeaketak esparruaren giltza izan behar du, biziraupenerako buruari eragitea funtsezkoa delako: sormena lantzen eta hazten da, kontsumismoari muzin egiten zaio, erabakiak gaztetxeko kideek bakarrik hartzen dituzte, inongo baldintza eta inposaketarik gabe…
• Gaztetxea terminoak jendartean, soilik, gazteentzako eremu delakoaren ohiartzuna du. Ondorioz, honekin hautsi behar da, gaztetxea denontzat irekia baita eta bertan parte hartzea herritar orori irekia baitago.

Okupazioaren zioak

 

Eztabaida luze eta hausnarketa sakonen ondoren, behar hau asetu ahal izateko eraikin hau okupatzea erabaki dugu. Jada urte bete baino gehiago da Alkartasuna Nekazarien Kooperatiba egoitzaz aldatu zela eta eraikin hau hutsa geratu zela. Bien bitartean, Ugartondo industrialdea erosi zuten konstruktorak ere ez dute eraikitzen hasteko interes irmorik aurkeztu. Horrelako egitasmoak aurrera eramatea etxe eta eraikin hutsei aurre egiteko bide bat dela uste dugu, etxe huts bat gutxiago egoteaz gain gaur egungo etxebizitza ereduaren aurka egiteko forma eraginkor bat iruditzen zaigu. Honez gain, eraikin hau inongo instituzioen mende ez egoteak, inork baldintzatu gabeko eta erabateko autokudeaketa izango duen gunea izango dela zihurtatzen du.

Gaztetxe honek modu asanblearioan funtzionatuko du, batzar hauek guztiz irekiak izango dira eta hurrengo egunetan emango dugu bilera hauen berri. Interesa duen orok, heldu ala gazte, gustora hartuko dugu bere ahotsa eta gure laguntza emango diogu.
Gogoratu gaztetxea lortu bitartean askotan errepikatu dugun bezala, ez dela eraikina helburua, gizarte hau eraldatzen lagunduko digun tresna garrantzitsu bat baizik.

Aurrera begirako ekimenen berri emango dugu jakitera, eta datorren asanbladetan erabakiko dira gaztetxeak egingo dituen lehen pausoak zein izango diren. Bihar arratsaldeko 18etan izango da lehen batzar irekia eta guztiok zaudete gonbidatuak bertan parte hartzera.

HERRITIK HERRIARENTZAT, HERRI BAT GAZTETXE BAT!!!!!!

GORA USURBILGO GAZTETXEA!!!

Info+ usurbilokupatu.blogspot.com

Ordiziako gaztetxeak ixtea erabaki du 26 urteren ostean

Itxi egin dute Ordiziako Gaztetxea. 26 urte eta gero, eraikinaren egoera txarra dela eta, Ordiziako Gazte Asanbladak Gaztetxea ixtea erabaki du. 26 urteko ibilbide oparoaren ondoren, garai berri bati ekingo dio Ordiziako gaztediak. Aro berri horri begira, ordiziarren babesa eta laguntza ezinbestekoa izango dIRelako, hona hemen Ordiziako Gazte Asanbladaren gutuna herritarrei:

Kaixo lagunak:

Azken aldi honetan Ordiziako Gaztetxearen eraikinaren inguruan Ordiziako Gazte Asanbladak hartu dituen erabakien berri emateko asmotan jotzen dugu guztiongana. Urte askotan zehar eraikina gaizki zegoela uste bagenuen ere, duela hilabete batzuk Ordiziako Gaztetxearen egitura nola zegoen aztertzeko beharra agertu genuen Ordiziako Gazte Asanbladako kideok.

Hau guztia gauzatu ahal izateko, Ordiziako Udaleko teknikariekin jarri ginen harremanetan eta gaztetxearen egitura aztertzeko eskaria egin genuen.

Ordiziako Udalaren laguntzarekin, egituraren azterketa burutu zen eta eraikinaren egoera ezegokia zela ikusita, Ordiziako Gazte Asanbladako kideok 26 urtetaN gure etxea izan dugun Gaztetxea, hustu eta bertatik ateratzeko beharra ikusi dugu, eraikina bota eTa garai berri honi ilusio berriekin eutsi asmoz.

Ilusio hauek garatu ahal izateko, beste gaztetxe baten beharra ezinbestekotzat jotzen dugu. Ordiziako Udalarekin harremanetan egonik, eta aurrerantzean adostasun batera iristeko esperantzarekin, beste gaztetxe bat bilatzeko lanetan hasi gara elkarlanean. Izan ere, dugun gogo era indarrari ezin zaio ihes egiten utzi.

Gaur arte izandako babes eta laguntza guztiak asko izan badira ere (ezin dugu ahaztu urriaren 22an, 25. urtemugan, eskua luzatu zenuten guztien laguntza), orain inoiz baino indar gehiago beharko dugu. Ez dira une errazak izango, baina prest gaude guzti honi aurre egin eta denen artean gaztetxe berri bat sortzeko. Horretarako, irailetik aurrera asanblada irekiak antolatuko dira. Adi deialdiei!

Denbora luze honetan, herriak kulturalki eta sozialki izan dituen hutsuneak bete ditu Ordiziako Gaztetxeak, eta betetzen jarraituko du. Garai gogorrenetan ere, bertan bildu eta antolatzeko baliagarria izan da, baita jaia eta festa egiteko ere. Horri eutsiz, 26 urte eta segi aurrera!

HERRI BAT GAZTETXE BAT

ORDIZIAKO GAZTE ASANBLADA

ORDIZIAKO GAZTETXEA

EPAIKETARIK EZ! ERMITATZE GAZTETXEA

Abuztuaren 8an Ermitatze gaztetxearen desalojoaren urtemuga dela eta, manifestazioa burutuko da Plentziako portutik, arratsaldeko 8etan. Desalojoa salatzeaz gain, Plentzia eta Gorlizko 6 gazteen aurkako prozesu judiziala eta ezarri nahi dituzten isunak salatuko dira ere!

Hortaz, animatu, parte hartu eta ozen oihukatu EPAIKETARIK EZ, GAZTETXEAK AURRERA!

Barnekaldeko Okupa Berria (Donaixti/BaxeNafarroa)

Barnekaldeko herritar talde batek asteburu huntan facebooken bidez jakinarazi duenez, San Mixel eskola ohiaren egoitzan instalatu da berriki. Talde honek azaldu duenez, "duela hiru urte, herritar eta hautetsi frango mobilizatu ziren egoitza hau bizirik atxikitzeko. Preseski, hau dugu proposatzen gaurkoan andeatzen den bastimendu paregabe hau herritarrek biziaraztea". 

 Astelehen goizean prentsaurrekoa eman dute bertan ekimenaren berri emaiteko. Kazeta.infok eta Info7 irratiak okupazio horretan parte hartzen den herritar batekin, Mirentxu Arbeletxekin mintzatu dira ekintzaren gainean xehetasunak hartzeko. ( Lerro hauekin batera argazki galeria ). 

Azken urteetan hutsik egon den bastimendu huntan "proiektu kolektibo, herrikoi eta askatzaile baten muntatzeko xede" dute Donaixtiko eskola zaharrean plantatu diren lagunek.
"Egoitza hori badira hiru bat urte hetsia da, abandaturik, eta hori ikusita gure ibarra biziarazteko zerbait egiteko gogoa ukan dugu herritar talde batek", azaldu digu Mirentxuk.
Hartara, egoitza horretan etxebizitza kolektibo bat sortu nahi dute. "Gure ibarra honetan etxebizitza hutsen kopurua gora doa, eta alokairuak gero eta karioagakoak dira. Hori salatzeaz gain, entseatu nahi dugu bizitzeko beste manera bat, bizi kolektibo bat eramanez".
Egoitza horretan sartu zutenetik herritar anitzengana hurbildu da taldea bere ekimenaren berri emaiteko. Gainera, egoitzareen egoera ez da oso ona eta gazteek "esku kolpea" behar dute premiazko konponketak egiteko. Izan ere, bastisamendu handia da eta bertan bertze proiektu batzuk garatu nahi dituzte.
"Herri kulturgune bat bultzatu nahi dugu, herritarrena eta herritarrek elgarrekin kudeaturik", azaldu digu Mirentxuk. "Zinez aukera gutti dira gure herrian kultur ekimenak bizitzeko eta horrendako gure xedea da ahal den bezain fite aktibitateak antolatzen hastea egoitza honetan". Desmartxa hori ere "herritarrekin bat eginez" aitzineratu nahi dute. Horrendako, "interesatuak edo kuriosak direnak" bertara hurbiltzeko gomita zabaldu dute okupazioa birutzen duten lagunek.
"Gure desmartxa legitimoa konsideratuz San Mixel eskola ohiaren administrazio kontseiluko kide baten ganat joan gira gure proiektuaren aurkezteko. Aurkezpen gutun bat helarazi diegu jabeer eta hitzordu bat proposatu diegu" gaineratu du barnekaldeko herritarren taldeak.
Mirentxu Arbeletxek nabarmentzen duenez, herritarren aldetik "oso arrapostu ona" jaso dute. Herriko Etxearekin gutunez baizik ez dira harremanetan jarri baina idekiak dira elkarrizketak abiatzea.
"Egoitzaren jabe den seroeen elkartearekin harremanak sartuak gira eta ondoko egunotan gure asmoak zeintzu diren azaltzeko hitzordua nahi dugu finkatu" azaldu dute gazteek.
Noizko izanen dira egoitzan ? Hona Mirentxuren erantzuna: "Gure xedea da zinez biziaraztea denbora gehiegi hutsik izan den egoitza hau, beraz, ahalbezainbat denbora nahi ginuke hemen izan". 

BESTALDE SEKULAKO EGITARAUA PRESTATU DUTE HURRENGO EGUNETARAKO:

Asteartean: 

ALBATROPIK taldearen ERREPIKA PUBLIKOA egun osoan....pasa nahi duzuelarik (goizeko 10etatik arratsaldeko 5ak arte!)

Astezkenean:

- Arratsaldeko 3etan: HAURRENDAKO, tindaketa tailerra . Helburua: Haurren gelaren paretak apaintzea tinduarekin!!!! gero, atsaskaria

- Aratseko 9etan: KHADAFISTE BROTHERS taldearen ERREPIKA PUBLIKOA.

Ostiralean:

- Aratseko 7etan: "PORTRAITS DE CHIBANIS" erakusketaren estrena http://www.chibanis.org 

- 8etan: Afari hotza (ekarri jatekoa eta edatekoa)

 -9etan:  "Les balais de la Republique" eta "Les gardiens de la paix" filmen proiekzioa, Toulouseko ESMA elkartearen laguntzarekin + solasaldia!

Ibiakoitzean:

- Goizeko 10etan: BILTZAR NAGUSIA DENER idekia: proposamenen eta ideien botatzeko!!!!

- Ar. 2etan: Bazkaria - Pik Nik (Bakotxak ekartzen du jatekoa eta edatekoa)

- Ar.4etan: OKUPAZIO mugimenduen Experientzia trukaketa.CREA (Toulouse - crea-csa.over-blog.com )ko kide batzu!!!!

-Ar. 9etan: KONTZERTUAk:  BILAU (Folk - Garazi) eta 121 CREW (Rap - Bilbo)

Igandean:

-Ar. 5ak eta 30tan: PILOTA PARTIDA

Ondotik, Arroltze ta Xingar!

Eta, ez duda astean zehar pasatzea, egoitzaren bisitatzeko edo esku ukaldi baten emaiteko!

Ongietorri PATAKON!

Patakonen prentsa oharra 2012-6-4

info +: uribarripiztu.blogspot.com

Hamarkadak hutsik zeramatzan Matiko 6.ko eraikinaren okupazioak, ugariak izan diren eskakizunei erantzuten die, urteetan zehar alternatiba soziokulturalak lantzera begira egindako lanketaren barnean kokatzen dugu.

1994. urtean Gure Etxea auzo elkarteak, auzoan zeuden hutsuneak ikusita, Matikoko 6. Zenbakian dagoen eraikin hutsari anbulatorio funtzioa emateko kanpaina sendoa jarri zuen abian. Auzokideen gehiengoaren babesa jaso zuen arren ez zen inongo apusturik egin instituzioengandik eta eskakizun guztiak alboratu ziren. Bestalde, auzoak zituen zerbitzu urriak ikusita, auzokideentzako beharrak aseko zituen bezala proposatua izan da aurrerago, inongo erantzun barik.

Gazte mailan, 1998garren urtean Uribarriko Gazteok-ek Uzturre plazan dagoen Udal eraikina Okupatu zuten Gaztetxe baten helburuz, baina 24 orduren buruan desalojatu zituzten. Ordutik asko izan dira Gazte Asanblada berpiztuak egindako eskakizunak, Gazte! Emaiozu espazioa zure kulturari! Kanpaina kasu.

Auzo elkarteak eta gazteek egiten duten lanaz gain, ezaguna da Aldapan Gora kultur koordinakundeak auzoarentzako egiten duen eskaintza, jaiak, San Juanak, gabonak etabar luzea. Ekimen hauen dimentsioa bermatu eta zabatzeko 2005. urtean barrutiari gune baten beharra azaleratu zion. Ordutik eskaerekin jarraitu du baina inongo erantzunik ez du jaso.

Orokorrean, ibilbide luzea du eragileek egindako lanak auzoa biziberritzeari begira. Asko dira eraikin honek izan ditzakeen erabilerak auzoaren mesedetan, eta bestetik, asko dira Uribarri bezalako auzo baten dituen beharrak plano sozial eta kulturalean.

Beraz, aurrekari guzti hauek kontutan izanda hartu da Matiko erdialdean mende erdia baino gehiago hutsik daraman eraikina okupatzeko hautua. Eraikia izan zenetik inoiz erabilia izan ez den lursaila auzoaren zerbitzura jarriko duen proiektu integrala. Ekainaren 1ean egindako jauzia beste pausu bat besterik ez da izan, espazio hau edukiz betetzeko bide luzean tipi-tapa.

Asteburu honetan ilusioz bete dira kaleak. Auzokideen eta komertzianteen babesa iritsi zaigu. Patakon, dekonari kendu ta ez dekonari emon. Zentzu horretan zenbait konpromiso mahai gaineratu nahi ditu asanbladak:

·        - Patakonen ateak zabalik daudela argi utzi nahi dugu, auzotik egina eta auzoarentzako proiektua dela azpimarratuz.

·     - Auzoarentzako mesedegarria den ordezko planteamedu bat egon arte guk kudeatuko dugu eraikinaren mantenua. Beraz, jabeei kontaktuan jartzeko prestutasun osoa luzatzen diegu proiektuaren bideragarritasuna bermatzeko asmoz.

·        - Gaur bertan martxan jarriko dugun sinadura bilketa aurkezten dugu proiektuarekiko babes eta atxikimendua emateko tresna bezala auzoko norbanako zein taldeentzako.

Behetik gora edukiz bete nahi dugu eraikina. Abesti ezagunak dioen moduan… lehenengotik hirugarrenera, laugarren pisutik espaziora! Besterik gabe, besarkada handi bat autogestio eta asanbladaren printzipioetan oinarrituta, martxan, mehatxupean edota bihotzetan dauden proiektuei… Gaztetxetatik ez dira pasako!

Udal zerbitzu ezaren aurrean… zerbitzu herrikoiak eraikiko ditugu!

Okupazioa aurrera!

Aupa Uribarri!
 

 

Santutxuko gaztetxean gorabeherak

Santutxuko Gazte Asanbladaren oharra:
 

"Ez dira lasaiak izaten ari azken egunak Santutxuko gaztetxean. Atean jasan genituen erasoen ostean, berriz ere izan dugu gure lagun maiteen bisita. Asteazkeneko arratsaldeko zazpiak inguru zirela eta gazte asanbladako kide batzuk gaztetxerantz gindoazela, udaltzaingoen kotxe bat ikusi genuen inguruko autobus geltoki batean geldirik. Apur bat gehiago gerturatu ginen eta udaltzaingoak gaztetxearen atean zeudela ikusi genuen. Hau ikusita barruan zeudenei abisua emateko erabakia hartu genuen telefonoz deituz. Alferrik izan zen baina, barruan zegoen norbaitekin eman baino lehen gaztetxean lanean zebilen gazte batek gaztetxetik alde egiteko atea ireki baitzuen udaltzaingo bikotearekin topo eginez. Momentuan atea ixtea lortu zuen udaltzainak barrura sartzea oztopatuz baina identifikatu egin zuten. Gazteak azalpenak eskatu zizkien eta udaltzainek eraikin baimenaren bila zetozela esan zioten orduan. Honek banketxearen salaketarik ez dagoela pentsatzera eramaten gaitu, berri ona dudarik gabe. Jakin badakigu, baina, Bilboko udala “La Caixa”-rekin harremanetan jarri dela bere lokalaren egoeraren berri emateko. 

Guk, guzti honen gainetik, gurearekin jarraituko dugu eta astelehenetik ostiralera arratsaldeko bostetan eta larunbatetan goizez hamaiketan eta arratsaldez bostetan aurrera eramango diren lan egunetara hurbiltzeko deia zabaltzen dugu. 

Santutxuko Gazte Asanblada"
santutxunbizi.blogspot.com