Kukutza III gaztetxearen defentsan ekiteagatik, epaiketa ugari jarri dira martxan. EAJ-k CABISA-ren abokatuak ordaintzen ditu, epailea aurrez aurretik aukeratu zuten eta okupazioa zein elkartasuna kriminalizatu nahi dute.

EKIN OKUPAZIOARI! BILBO OKUPATZERA GOAZ!!!

OKUPAZIOA EZ DA DELITUA!


Bilboko 9. Instrukzioko epaitegiak notifikatu berri digu Kukutzaren kontrako salaketa artxibatu egiten duela azaroaren 16an KukutzaII zen lokala okupatzeagatik. Jabeek eraikina utzikeri egoeran zeukaten, eta kasu horietan ezin zaio usurpazio delitua egotzi.

Okupazio Mugimendua inoiz baino biziago dago Instituzioek (Bilboko udalak, alderdi politikoek, Aldundiek, Eusko Jaurlatxirlak) Okupazioa kriminalizatzen saiatzen diren arren eta zenbait komunikabidek informazioa manipulatzen duten arren.

Gainera, epaitegietatik datozen azken berriek okupazioa delitua ez delaren ideia indartzen dute, azkenengo hilabeteetan hainbat gaztetxeen kontrako epaiketak artxibatu baitira*(KukutzaII-Larraskitu, LaKomi-Santuxu, Erandioko gaztetxea, Barakaldoko gaztetxea). Horrela gauzak, agerian uzten da instituzioek gaztetxeak desalojatzen dituztela beraien interes ekonomiko-politikoak babesteko eta den-dena kontrolpean izan nahi dutelako.


Une honetan benetan epaitua izan behar lukeena Kukutza IIIko desalojoan ordena publikoaren indarren ekintza kriminalak dira, herriaren borondatea onartu ez zuten ordezkari instituzionalen jarrera lotsagarria, hala nola enpresarien, banketxeen eta hustelkeri urbanistikoarekin harremana duten politikarien delituzko jarrerak.

Bide berdinean salatu nahi dugu Eusko Jaurlatxirlak dituen jarrera errepresiboak gaztetxeak desalojatzean epai-agiririk gabe eta prozesua bukatu gabe(batzutan hasi gabe ere), ia beti artxibatuta eta epaituen absoluzioarekin bukatzen duena. Honek Gaztetxe baten hustuketa, espekulatzaile babestu bat eta gazteriaren kriminalizazioa du ondoriotzat.

Banketxe eta espekulatzaileek politikoen partetik duten babesaz nazkatuta dagoen jendartea animatu nahi dugu, autoantolakuntzan jarduntzera eta eraikin zein lurren Okupazioaren bidea hartzera proiektu autokudeatuak sortzeko, hala nola, etxebizitza ta ortu kolektiboak, langile-kooperatibak eta gaztetxeak.

OKUPAZIOA EZ DA DELITUA!

- Lakomi(Santutxu), archivado el 21 de noviembre por el Juzgado de Instrucción nº 7 de Bilbao.
- Erandioko gaztetxea, el 22 de noviembre, J. Instrucción nº 1 de Bilbao (y el gaztetxe sigue activo).
- Barakaldoko gaztetxea, 17 de diciembre, J. Instrucción nº 2 de Barakaldo.
- Kukutza II gaztetxea(Larraskitu), 19 de enero, Instrucción nº 9 de Bilbo.



Desalojoak, atxilotuak, erasotuak, identifikatuak. Errepresioa.

Udako Bilbon burutu zen Gaztetxeen aldeko manifestazioan aurreratu genuen bezala, Okupazio Mugimenduaren kontrako ofentsiba bat abiarazi dute dena kontrolaturik nahi dutenek. Zallako gaztetxeari eginiko erasoei, Plentziako desalojoa, Kukutzako desalojo, Errekaldeko ehiza, Itzubaltzetako mehatxua, Gasteizko gaztetxeari erasoak, Zaramagako hustuketa, Uxotegiren kontrako kanpaña mediatikoa, Donibaneko leku-aldaketa, Portugaleteko desalojoa, Erandio, Donostiko Arte Ederren antzokiaren eta Kukutza gaztetxe berriaren desalojo ilegalak gehitzen zaizkio. Eta hurrengo hilabeteetan, Kukutzaren, Koskoenearen eta Plentziko Ermitatzeren kontrako epaiketak izango dira.




Krisialdi ekonomikoa eta Munduko egoera politikoan burutzen diren aldaketak aprobetxatzen ari dira Herri Mugimendu askatzaileak zapaltzeko. Adi egon behar dugu eta indarrak batu, gure gune askatuak defendatu eta berriak sortzeko!

MATXINADA!