Kukutza III gaztetxearen defentsan ekiteagatik, epaiketa ugari jarri dira martxan. EAJ-k CABISA-ren abokatuak ordaintzen ditu, epailea aurrez aurretik aukeratu zuten eta okupazioa zein elkartasuna kriminalizatu nahi dute.
EKIN OKUPAZIOARI! BILBO OKUPATZERA GOAZ!!!
Hemendik deskargatu ditzakezue 3 abesti berri."solos(remix)", "drug me baby", "tercera guerra".
Badago! Heldu da!
Fenómenos de la Naturaleza-FDLN-ren kantu berria eta bideoklipa eskegi dute gaur interneten ikusgai. Drug me Baby du izena eta Urko Olazabalek zuzendu eta editatua dago. Ostegunean beraien aurrerapen maketa aterako dute, eta apirilean diska berria. Hilabeteak daramatzate gazte hauek beraien grabaketa gela eraikitzen eta diskaren nondik norakoak argitzen. Itxura hona du hurrengo diska, hip-hopa, jazza eta bestelako doinuak nahasten. On egin!
Azaroaren 6an, larunbata, Zea Mays musika taldeak, bere azken diska aurkeztuko du gure auzoko gaztetxean. Orain dela bi urte Kukutzaren urteurrenaren omenez egin zuten abestia ere diskan izango dugu. Ez saiatu Zea Mays-en "ERA" diska berria dendetan lortzen, ezinezkoa izango da ta. Soilik kontzertuetan lor dezakezue. Kukutzan, sarrerarekin bat(5+5€) emango da. Sorpresaren bat ere izango dugu.
Igandean bestalde, Kukutzako liburutegiak antolatutako Sovietar Olerki irakurketa izango dugu 17.30tan, liburutegian hain zuzen ere.
Gozatuko duzuelakoan, astebururarte!
